Wednesday, October 30, 2013

சாத்வீக இட்லி

சாத்வீக இட்லி
சாத்வீக இட்லி

தேவையான பொருட்கள் - 12 முதல் 15 இட்லி தயாரிக்க

மாவு தயாரிப்பதற்கு:

  • புழுங்கல் அரிசி – 1 குவளை / 200 கிராம் (கைக்குத்தல் கிடைத்தால் நல்லது)
  • பச்சரிசி – 1/2 குவளை / 100 கிராம்
  • வெண்பூசணி – 2 குவளை / 200 கிராம்

மாவுடன் கலப்பதற்கு:

  • முளைவிட்ட பாசிப்பயறு அல்லது நிலக்கடலை – 3 தேக்கரண்டி
  • கேரட் துருவல் – 3 தேக்கரண்டி
  • முட்டைக்கோஸ் நறுக்கியது - 3 தேக்கரண்டி
  • இந்துப்பு – 1/2 தேக்கரண்டி


செய்முறை:

  1. புழுங்கல் அரிசியை முதல் நாள் மதியம், குறைந்தது 4 மணிநேரம் ஊறவைக்கவும்.
  2. மாலையில் அரிசியை அலசிக் களைந்து விட்டு, ஆட்டுக்கல்லில் (கிரைண்டரில்) சிறிது நீர் ஊற்றி அரைத்துக் கொள்ளவும்.
  3. இதற்கிடையில் வெண்பூசணியை தோல் நீக்கி, சிறு துண்டுகளாக்கி மிக்ஸியில் விழுதாக அரைத்து, அதனையும் ஆட்டுக்கல்லில் மாவுடன் சேர்த்து ஒன்றாக அரைக்கவும். மாவை ஒரு பாத்திரத்தில் சேகரித்துக் கொள்ளவும். இதில் உப்பு சேர்க்க வேண்டாம்.
  4. பச்சரிசியை வெறும் வாணலியில் மூன்று அல்லது ஐந்து நிமிடங்கள் வரை வறுத்துக் கொள்ளவும். வெடிக்கத் தேவையில்லை.
  5. பச்சரிசி ஆறிய பின்னர், மிக்ஸியில் போட்டு சற்று கரகரப்பாக அரைத்து, அதை காற்று புகாதவாறு, ஒரு பாத்திரத்தில் போட்டு வைக்கவும். இதை முதல் நாள் இரவே தயாரித்து வைத்தால், காலையில் இட்லி செய்ய எளிதாக இருக்கும்.
  6. மறுநாள் காலையில் பொடித்த பச்சரிசி மாவை, ஏற்கனவே அரைத்து வைத்துள்ள இட்லி மாவுடன் கலந்து, குறைந்தது 2 மணி நேரம் ஊற விடவும்.
  7. பிறகு முளைவிட்ட பாசிப்பயறு\ நிலக்கடலை, துருவிய கேரட், நறுக்கிய முட்டைக்கோஸ், இந்துப்பு ஆகியவற்றை மாவுடன் நன்றாக கலந்து கொள்ளவும்.
  8. இட்லி பாத்திரத்தில் வேக வைத்து, சாப்பிடவும்.

குறிப்பு:

  1. அனைத்து விதமான சிறுதானியங்களையும், புழுங்கல் அரிசிக்கு பதிலாகப் பயன்படுத்தி, இதே முறையில் இட்லி தயாரிக்கலாம்.
  2. கேரட், முட்டைக்கோஸ் போன்ற காய்களுக்கு பதிலாக, சௌசௌ மற்றும் பீன்ஸ் அல்லது உங்களுக்க விருப்பமான, வேறு ஏதாவது இரண்டு வகையான காய்கள் உபயோகிக்கலாம்.

2 comments :

  1. Amazing documentation of recipes. Thank you so much! I have been forwarding to so many of my friends

    ReplyDelete
    Replies
    1. Thank you for your support in spreading Life natural concepts. Actually, we have been inspired after meeting friends like you.

      Delete